Sie setzen sich für den Kampf gegen Krebs ein
Die Missionen der Fondation Cancer können nur dank der Großzügigkeit ihrer Spender erfüllt werden : Gemeinsam handeln wir gegen den Krebs, jede Spende ist ein Zeichen der Hoffnung für die Zukunft.
In dieser Rubrik finden Sie die neuesten Schecküberreichungen, die aus den Spendenaktionen, die für die Fondation Cancer organisiert wurden, resultieren.
Es gibt verschiedene Möglichkeiten um eine Spendensammlung zu organisieren, und wir können Sie dabei unterstützen.
AdVeci Advisors
2.200 €
D’Mataarbechter vun AdVeci Advisors, eng Firma déi personaliséiert Léisungen am Beräich vun der Personalberodung ubitt, hunn hir Solidaritéit mat Kriibspatiente gewisen, andeems si Spenden zu Gonschte vun der Fondation Cancer gesammelt hunn.
Dank dëser Aktioun konnt der Fondation Cancer eng Zomm vu 2.200 € iwwerreecht ginn. D’Lucienne Thommes, Direktesch vun der Fondation Cancer, huet allen Bedeelegten, wärend der Scheckiwwerreechung, häerzlech Merci gesot fir dësen Engagement.
Ecole Nelly Stein
2.500 €
D’Nelly Stein Schoul vu Schëffleng engagéiert sech fir d’Fondation Cancer, andeems si en Mëttegiesse mat de Kanner an der Schoul organiséiert hunn, mat der Ënnerstëtzung vun der Gemeng Schëffleng.
Dank dëser Aktioun konnt der Fondation Cancer eng Zomm vu 2.500 € gespent ginn. D’Kanner aus der Nelly Stein Schoul konnten dunn och virun der Scheckiwwerreechung dem Claudia Gaebel all hir Froe stellen an sech esou e bëssen informéieren zum Thema Kriibs.
D’Claudia Gaebel huet allen Bedeelegte vun dëser Solidaritéitsaktioun häerzlech Merci gesot fir dësen Engagement.
Byborg Entreprises S.A.
2.500 €
D’Mataarbechter vun Byborg Entreprises SA hunn hir Solidaritéit mat Kriibspatiente gewisen, andeems si Spenden zu Gonschte vun der Fondation Cancer gesammelt hunn. Duerch dës Solidaritéits-Aktioun koum eng Zomm vun 1.250 € zesummen. D’Direktioun vu Byborg Entreprises SA huet den Engagement vun hire Mataarbechter zousätzlech ënnerstëtzt andeems si de Montant vun de Spende verduebelt hunn.
Dank dëser Aktioun konnt der Fondation Cancer eng Zomm vu 2.500 € iwwerreecht ginn. D’Lucienne Thommes, Direktesch vun der Fondation Cancer, huet allen Bedeelegten, wärend der Scheckiwwerreechung, häerzlech Merci gesot fir dësen Engagement.
Hockey Federation Luxembourg
2.399 €
D’Hockey Federation Luxembourg ënnerstëtzt d’Fondation Cancer, andeems si den Erléis vum Royal Hockey Tour 2022 spenden. De Royal Hockey Tour ass en Tournoi, wou sech Ekippen aus ganz Europa fir de gudden Zweck versammelen.
Dank dëser Aktioun konnt der Fondation Cancer eng Zomm vu 2.399 € iwwerreecht ginn. D’Claudia Gaebel huet allen Bedeelegten, wärend der Scheckiwwerreechung, häerzlech Merci gesot fir dësen Engagement.
Operamus a.s.b.l.
6.750 €
Operamus a.s.b.l. ass eng Vereenegung fir Lëtzebuerger Bünewierker bekannt ze maachen, respektiv op ze féieren.
De Verkaf vun der duebeler CD vum Serge Losch senger Musical-Oper I.N.R.I. huet no enger schwéierer Ulafzäit bescheide 6.750 € erabruecht, déi integral un d’Kriibsfuerschung gespent ginn. Et sinn nach CDen ze kréien. Den Erléis ass integral fir d’Kriibsfuerschung, déi op Frënn vun der Musek an Hëllefsbereetschaft waarde fir datt dës Spendenaktioun ka widderholl ginn.
D’Direktesch vun der Kriibsstëftung, d'Madamm Lucienne Thommes, huet net nëmmen alle Bedeelegte vun Operamus, ma och all deene Leit, déi eng CD kaf hunn a leider net eenzel ugeschriwwe kënne ginn, e grousse Merci gesot.
Ecole d'Hôtellerie et de Tourisme du Luxembourg
550 €
Am Kader vum Weltkriibsdag huet d’École d'Hôtellerie et de Tourisme du Luxembourg vun Dikrech eng Solidaritéits-Aktioun fir d’Fondation Cancer gestart.
Tëschent dem 23. Januar an dem 1. Februar ass am RestaurantPop Up Convict an der Staat all Gaascht ugebuede gi, en Don zugonschte vun der Fondation Cancer ze maachen.
Dank dëser Aktioun konnt der Fondation Cancer eng Zomm vu 550 € iwwerreecht ginn. D’Direktesch, Lucienne Thommes, huet allen Bedeelegten, wärend engem Mëttegiessen am neie Restaurant, häerzlech Merci gesot fir dësen Engagement.
Association des parents d'élèves et les professeurs de portugais de l'école portugaise d'Ettelbruck
2.259,26 €
D'Elterevereenegung vun der portugisescher Schoul zu Ettelbréck (Association des Parents d'Elèves de l'Ecole Portugaise Asbl) an d'portugisesch Enseignanten hunn hir Ënnerstëtzung fir d'Fondation Cancer widderholl.
Duerch d'Organisatioun vun engem Stand zu Ettelbréck wou Kaffi a Kuch verkaf ginn ass, konnten si eng Spend vun 2.259,26 € sammelen. Dëse generéisen Don erméiglecht der Fondation Cancer hir Missioune weider ze realiséieren: Informéieren, hëllefen an d’Fuerschung ënnerstëtzen.
D’Direktesch vun der Fondation Cancer, d’Lucienne Thommes, huet allen Bedeelegte vun dëser Aktioun häerzlech Merci gesot fir dëse Solidaritéits-Geste.
KPMG Luxembourg - Step Counting Challenge
3.000 €
Am Kader vum Broschtkriibsmount Oktober huet d'KPMG eng Challenge organiséiert, déi mat engem Don un d'Fondation Cancer gekoppelt war.
Wärend engem Dag hu si all d'Schrëtt vun hire Mataarbechter zesummegezielt: am Ganzen hunn 41 Mataarbechter 260.000 Schrëtt gemaach. Esou koum eng Zomm vun 3.000 Euro zesummen, déi der Direktesch vun der Fondation Cancer, Lucienne Thommes, iwwerreecht goufen. E grousse Merci un all Bedeelegten.
Mara Cruciani - Crochet et tricot solidaire
1.450 €
De ganzen Oktober iwwer huet d'Mara Cruciani am Kader vum #OctobreRose hir Heekel- a Stréckkreatioune verkaaft, fir domat zur Sensibiliséierung zu dësem Thema bäizedroen.
De gesamten Erléiss vun 1.450 Euro gouf un d'Fondation Cancer gespent. D'Fondation cancer, vertrueden duerch hier Directrice Lucienne Thommes, huet der Madamm Cruciani bäi der Scheckiwwerreechung ee ganz grousse Merci gesot.
Mat Hëllef vun esou solidareschen Aktioune kann d'Fondatioun weiderhi Kriibspatienten an hier Famillen am Alldag ënnerstëtze – an dat gratis!
CFL Mobility - Flex Charity Cars
7.250 €
FLEX Carsharing huet eis dëse generéisen Don dank den 148 Chauffeuren iwwerreecht, déi sech tëscht Juli a September dozou decidéiert hunn hunn mat engem Charity Car ze fueren.
Dank Iech huet Flex sech engagéiert eise Projet fir Famillje mat kriibskranken Elteren finanziell z'ënnerstëtzen. An hirem Numm: Merci.
Relais du Rire 2022
1.400 €
Den 1. Oktober war déi 4. Editioun vum Relais du Rire am Centre culturel Aalt Stadhaus zu Déifferdeng.
Um Programm war e lëschtegt Standup-Event wou de Leit en Laachen an d’Gesiicht gezaubert huet. Duerch de Relais du Rire konnt dëst Joer eng Zomm vun 1.400 € un d'Fondation Cancer gespent ginn.
D’Präsidentin vun der Fondation Cancer, Dr. Carole Bauer, huet dem Alex Monteiro häerzlech Merci gesot fir säin onermiddlecht Engagement, an och de Komiker Ben Is, Sofiane Ettaï, Rach Calame a Chulien Strelzyk fir dësen amüsanten Owend.
Luxembourg Times BusinessRun 2022
25.758 €
Dëst Joer konnten erëm 3.959 Leefer aus 287 Betriber beim Luxembourg Times BusinessRun deelhuelen. Si sinn zesummen eng Course vu 5,5 Kilometer ronderëm d'Coque gelaf. Pro Participant, deen an der Coque matgelaf ass, huet de Luxembourg Times BusinessRun d'Fondation Cancer mat 2 Euro ënnerstëtzt. An fir all virtuelle Leefer ass nach eng Spent vu 5 Euro bäikomm.
Esou koum eng Zomm vu 25.758 Euro zesumme fir d'Fondation Cancer.
D'Dr. Carole Bauer huet de Participanten, dem Organisateur, de Sponsoren an all de Betriber häerzlech Merci gesot.
Uns helfen
Helfen Sie uns ...
.. unsere Missionen weiter zu erfüllen!
Die Missionen der Fondation Cancer können nur dank der Großzügigkeit ihrer Spender erfüllt werden. Ihre finanzielle Unterstützung ermöglicht es uns, Menschen zu helfen, die an einer Krebserkrankung leiden und die Krebsforschung zu fördern. Auch die Prävention ist eine unserer Missionen, denn viele Krebserkrankungen sind eigentlich vermeidbar.
Es gibt mehrere Möglichkeiten, der Fondation Cancer mit einer Spende zu helfen, wählen Sie diejenige, die Ihnen am besten passt!
