Sie setzen sich für den Kampf gegen Krebs ein
Die Missionen der Fondation Cancer können nur dank der Großzügigkeit ihrer Spender erfüllt werden : Gemeinsam handeln wir gegen den Krebs, jede Spende ist ein Zeichen der Hoffnung für die Zukunft.
In dieser Rubrik finden Sie die neuesten Schecküberreichungen, die aus den Spendenaktionen, die für die Fondation Cancer organisiert wurden, resultieren.
Es gibt verschiedene Möglichkeiten um eine Spendensammlung zu organisieren, und wir können Sie dabei unterstützen.
Luxembourg Times BusinessRun 2024
36.262 €
Déi 10. Editioun vum Luxembourg Times BusinessRun war e vollen Erfolleg mat enger gesammelter Rekordzomm, souwéi enger Rekordzuel u Participanten: Dëst Joer hu 6.731 motivéiert Leefer deelgeholl.
Si sinn zesummen a faarwege T-Shirten an originelle Kostümer eng Course vu 5 Kilometer ronderëm d'Coque gelaf.
Wéi och déi lescht Joren huet de Luxembourg Times BusinessRun pro Participant, deen an der Coque matgelaf ass, d'Fondation Cancer mat 2 Euro ënnerstëtzt. Nieft de Spende vun den Organisateure konnten d'Participanten erëm BusinessRun-Heroes ginn, andeems si sech och mat engem Don bedeelegt hunn. Si kruten e speziellen Dossard fir d'Course, deen hiren Engagement gewisen huet.
Esou koum eng Rekordzomm vu 36.262 € zesumme fir d'Fondation Cancer.
D'Dr. Carole Bauer, Presidentin vun der Fondation Cancer, huet de Participanten, dem Organisateur, de Sponsoren an all de Betriber häerzlech Merci gesot wärend der Scheckiwwerreechung fir hiren Engagement.
International School Michel Lucius (ISML) – Charity Run an Erënnerung un de Rudy Maquet
8.523,90 €
A Gedanken un de Rudy Maquet, huet d’International School Michel Lucius (ISML) e Laf fir de gudden Zweck am Parc Tony Neuman um Lampertsbierg organiséiert.
Duerch dës Solidaritéitsaktioun konnten alleguer d’Schüler aus dem ISML hiert Engagement weisen: Bis de Moment vun der Scheckiwwerreechung goufe 6.114 € gespent. Haut steet déi generéis Gesamtzomm bei 8.523,90 €.
"This year, ISML chose to do a charity run to support the Fondation Cancer Luxembourg to finance a dedicated research project: the Diomedes research project, because Glioblastoma impacted one of our school members directly. Hopefully, this fosters a sense of empathy and community in our students, while contributing to vital advancements in medical science that can save lives.”, seet d’Madamm Pascale Petry, Direktesch vun der International School Michel Lucius.
Wärend der Scheckiwwerreechung, huet d'Margot Heirendt, Direktesch vun der Fondation Cancer, all Bedeelegten häerzlech Merci gesot fir hir Generositéit. Dës Aktiounen erméiglechen der Fondation Cancer, d’Rechercheprojet’en weiderhin ze finanzéieren. Déi gesammelt Spende ginn op Wonsch vun den Organisateuren dem Diomedes-Fuerschungsprojet zougedeelt. Dëse Projet vum Dr. Anna Golebiewska gëtt vun der Fondation Cancer a vum Fonds National de la Recherche (FNR) kofinanzéiert an huet als Zil ze analyséiere wéi Tumorzellen an hiert Mikroëmfeld sech wärend der Behandlung änneren. Mat dëse Resultater kënnen an Zukunft hoffentlech personaliséiert Therapien ugebuede ginn.
Kinepolis
1.000 €
Kinepolis huet de 25. Mee den Discovery Day fir de gudden Zweck organiséiert. De Prinzip vun dësem Event ass, den Zuschauer exklusiv Trailer’e vun neie Filmer virzestellen, déi geschwë wäerten am Kino lafen.
Kinepolis huet sech dozou decidéiert den Engagement vun der Fondation Cancer mam integralen Erléis vun den Entréesbilljeeën ze ënnerstëtzen, souwéi de Montant vun der Spend opzeronnen. Esou ass déi generéis Zomm vun 1.000 € zustane komm.
Wärend der Scheckiwwerreechung, huet d'Margot Heirendt, Direktesch vun der Fondation Cancer, a Präsenz vun der Madamm Maud Franz, Marketing Manager bei Kinepolis, all Bedeelegten häerzlech Merci gesot fir hir Generositéit.
Fischer
6.600 €
D’Bäckerei Fischer huet sech dozou decidéiert den Engagement vun der Fondation Cancer duerch de Verkaf vum« petit pain énergétique » ze ënnerstëtzen.
Si hunn e gesond Bréitchen entwéckelt, mat Route Molbiere, Nëss a Sonneblummekären. Fir all verkaafte Bréitche, zënter Februar 2024 un, goufen 0,10 € un d'Fondation Cancer gespent, wouduerch eng Zomm vu 6.600 € gesammelt konnt ginn.
Bei der Iwwerreechung vum Scheck huet d’Margot Heirendet, Direktesch vun der Fondation Cancer, jidderengem häerzlech Merci gesot. Dës Aktiounen erméiglechen der Fondation Cancer weiderhi gratis Offere fir Patienten an hir Familljen unzebidden, Informatiounen zur Verfügung ze stellen, souwéi d’Fuerschung ze ënnerstëtzen.
Prospect Event Ruff Ryders Luxembourg
10.494,44 €
Den Antonio Diglio huet sech dozou decidéiert den Engagement vun der Fondation Cancer ze ënnerstëtzen, andeems hien e Motorrad-Rallye, an Zesummenaarbecht mat der Associatioun ‘Ruff Ryders Luxembourg’, fir de gudden Zweck op d’Bee gestallt huet.
Dem Antonio seng Duechter, d’Claudia, gouf virun zwee Joer mat engem Tumor diagnostizéiert. Wärend dëser schwiereger Zäit huet hatt Oflenkung beim Motorradfueren fonnt. No enger erfollegräicher Chemotherapie, huet den Antonio decidéiert, zu Éiere vu senger Duechter, d’Remissioun mam Event ‘Prospect Event Ruff Ryders Luxembourg’ ze feieren, an den Erléis vun dëser Solidaritéitsaktioun integral un d’Fondation Cancer ze spenden.
Motorradfuerer aus dem ganze Land, awer och Leit aus den Nopeschlänner, hunn sech zu Biissen getraff fir d’Liewen ze feieren. Si konnte vu Concert’e souwéi vun Aktivitéite fir grouss a kleng profitéie. Duerch dës Solidaritéitsaktioun ass eng generéis Zomm vun 10.494,44 € zustane komm.
D’Margot Heirendt, Direktesch vun der Fondation Cancer huet alle Bedeelegte Merci gesot fir dës Ënnerstëtzung, déi et erméiglecht d’Fuerschung weiderhin ze ënnerstëtzen.
Lycée Josy Barthel Mamer – asbl
3.000 €
D‘Lycée Josy Barthel Mamer-asbl huet sech dozou decidéiert den Engagement vun der Fondation Cancer ze ënnerstëtzen, andeems si déi läscht Joren d’Event ‘Alles op de Vëlo am Mamerdall!’ fir de gudden Zweck organiséiert, an en Deel vum Erléis gespent hunn.
Bei dëser Manifestatioun konnt en u villen flotten Aktivitéiten deelhuelen, souwéi en Tour mam Vëlo duerch d’Bëscher a laanscht d’Wise vum Mamerdall maachen, an dat ganz a Rou ouni motoriséierte Verkéier. Duerch dës flott a sportlech Solidaritéitsaktioun ass déi generéis Zomm vun 3.000 € zustane komm.
Wärend der Scheckiwwerreechung, huet d'Margot Heirendt, Direktesch vun der Fondation Cancer, all Bedeelegten häerzlech Merci gesot. Dës Aktiounen erméiglechen der Fondation Cancer weiderhi gratis Offere fir Patienten an hir Familljen unzebidden, Informatiounen zur Verfügung ze stellen, souwéi d’Fuerschung ze ënnerstëtzen.
Lycée Nic Biever
860 €
4 Schüler aus dem Lycée Nic Biever zu Diddeleng hu Solidaritéit mat Kriibspatiente gewisen andeems si selwergemaachen, ekologesch an natierlech Käerzen an der Cloche d’Or an um Chrëschtmaart vun der Schoul erstallt a verkaf hunn. Den Erléis vun dëser Engagement ass integral der Fondation Cancer iwwereecht ginn.
Wärend der Scheckiwwerreechung, huet d'Margot Heirendt, Direktesch vun der Fondation Cancer, all Bedeelegten häerzlech Merci gesot fir hir Generositéit.
Lycée Technique Lallange – Hair for happiness
1.686 €
D’Schüler aus dem Lycée Technique zu Lalleng hunn eng Solidaritéitsaktioun op d’Bee gestallt – Hair for happiness!
D’Zil vum Projet war et, wärend e puer Deeg eng Kollekt vun Hoer ze maachen déi da fir Parécke vu Kriibspatiente weiderverwäert kënne ginn. D’Schüler hunn dofir zesumme mam Coiffer Tun vum Salon byTun collaboréiert. Niewebäi hunn si och Spende gesammelt.
Mam Erléis vun dësem Projet hunn si decidéiert den Engagement vun der Fondation Cancer ze ënnerstëtzen.
E grousse Merci!
Enovos
6.251 €
Am Kader vum Relais pour la Vie, ënnerstëtzt Enovos zënter 2009 d'Fondation Cancer am Kampf géint de Kriibs. Am Joer 2024 huet Enovos dës Partnerschaft mat 2 Teams weider gefouert, déi um Relais an der Coque deelgeholl hunn. Zousätzlech Spende goufe vun Enovos gesammelt duerch d'Vëloen, déi vun Andy Schleck Cycles gratis zur Verfügung gestallt goufen, wouduerch d'Participanten 1 Euro pro gefuerene Kilometer generéieren.
Am Ganze gouf e Scheck vu 6.251 Euro vum Romain Mary, Responsabel vum Marketing Departement, der Fondation Cancer, vertrueden duerch d’Direktesch Margot Heirendt, iwwerreecht.
Merci alleguer fir dës enorm Solidaritéit!
Cargolux Airlines International S.A.
10.000 €
D’Mataarbechter vu Cargolux Airlines hunn sech dozou decidéiert eng Solidaritéitsaktioun op d’Been ze stellen. An zwar hunn si de Garage Sale Project lancéiert an en Deel vum Erléis der Fondation Cancer gespent, fir hiren Engagement ze ënnerstëtzen.
Wärend der Scheckiwwerreechung, a Präsenz vum Moa Sigurdardottir (Head of Corporate Communication – Cargolux Airlines), huet d'Lucienne Thommes all Bedeelegten häerzlech Merci gesot.
PwC Luxembourg
9.000 €
D’Mataarbechter vu PwC Luxembourg hunn sech dozou decidéiert, den Engagement vun der Fondation Cancer ze ënnerstëtzen andeems si hiren Kaddo, deen si um Enn vum Joer kréie fir hinne fir hir Aarbecht Merci ze soen, an eng Spend ëmgewandelt hunn an e gemeinsame Scheck un d’Fondation Cancer gemaach hunn.
„D’Solidaritéitsaktioun, datt all Mataarbechter säi Kaddo vum Joresenn an eng Spend ëmwandele kann, gëtt vun ëmmer méi Leit ënnerstëtzt. Dëst Joer loung et eis um Häerz fir Associatiounen ze ënnerstëtzen déi fir Patienten an hir Familljen do sinn.“ seet d’Cécile Liégeois vu PwC Luxembourg.
Wärend der Scheckiwwerreechung, a Präsenz vum Roxane Haas (People leader – PwC Luxembourg) a vum Cécile Liégeois (Prosperity leader – PwC Luxembourg), huet d'Claudia Gaebel all Bedeelegten häerzlech Merci gesot.
Gemeng Wuermer - Syndicat d'Initiative et de tourisme
1.000 €
De Syndicat d’Initiative et de tourisme vun der Gemeng Wuermer huet sech dozou decidéiert, den Engagement vun der Fondation Cancer ze ënnerstëtzen. Am Kader vun der Generalversammlung vum Syndicat, a Präsenz vum Här Minister fir Tourismus Lex Delles, gouf dem Lucienne Thommes, Direktesch vun der Fondation Cancer, e Scheck vun 1.000 € iwwerreecht.
Verschidde Memberen aus dem Comité hunn op ee Cadeau fir hiren Abschid verzicht an hunn amplaz een Don gemaach. Duerfir ass decidéiert ginn e gemeinsame Scheck ze maachen an deen der Fondation Cancer zoukommen ze loossen.
„Mir hunn d’Fondation Cancer erausgesicht, well mir an onsem Bekanntekrees Leit hunn, déi kierzlech mat der Krankheet Kriibs betraff sinn.“ seet de Fernand Dax, Sekretär vum Syndicat d'Initiative et de tourisme vun der Gemeng Wuermer.
Wärend der Scheckiwwerreechung huet d'Lucienne Thommes all Bedeelegten häerzlech Merci gesot.
Uns helfen
Helfen Sie uns ...
.. unsere Missionen weiter zu erfüllen!
Die Missionen der Fondation Cancer können nur dank der Großzügigkeit ihrer Spender erfüllt werden. Ihre finanzielle Unterstützung ermöglicht es uns, Menschen zu helfen, die an einer Krebserkrankung leiden und die Krebsforschung zu fördern. Auch die Prävention ist eine unserer Missionen, denn viele Krebserkrankungen sind eigentlich vermeidbar.
Es gibt mehrere Möglichkeiten, der Fondation Cancer mit einer Spende zu helfen, wählen Sie diejenige, die Ihnen am besten passt!
